Home
by MIDOoOo Sat 31 Jan 2009, 2:37 am
كتب: mostafa
ولا أنا بس نفسي المقالة دي تنشر وما يكونش فيه تحيز ياريت انا كاتب المقالة دي ردا على الاخ نبيل اللي كاتب مقالة تحمل نفس العنوان وبيتهكم فيها على جمهور الزمالك ومش هاقول العظيم لان العظمة لله وحده
ايوة انا باقول لجمهور الزمالك ارفع رأسك لانك زمالكاوي واحمد ربنا اني زمالكاوي عندي عقل افكر بيه ولا اتبع نظرية القطيع الموجودة دائما عند الاهلاوية وعشان تعرف فعلا ان نظرية القطيع موجودة بين جماهير الاهلي اسأل كذا واحد منهم عن رأيه في حاجة هتلاقيه بيقولك رأي ادارة النادي وبعدين اتحرك واعمل استفتاء بين اكتر من واحد هتلاقيهم بيقولولك نفس رأي الشخص الاولاني اللي انت سألته ولو دورت هتلاقيه رأي واحد من مجلس ادارة الاهلي
انا باحمد ربنا اني زمالكاوي لان فريقي هو الفريق اللي لما بيلعب كورة بيكسب وبيكسب بمجهوده مش فريق كل لاعيبته بتلعب لعب موظفين وبيكسبوا بالحظ والتحكيم واشياء اخرى
انا زمالكاوي وهارفع راسي لاني بافهم كورة مش زي ناس ما تعرفش الفرق بين الكورة والبطيخة
انا زمالكاوي وهارفع راسي لان جمهوري ما حرقش مشجع عشان بيحب فرقته ولا ضرب لعيب بمطواة في رجله عشان هو من الفريق المنافس اكمل مساوئ هذا الجمهور الاحمر ولا كفاية كدة النهاردة والمقالة اللي جاية ان شاء الله هاكتب فيها باقي الاسباب اللي تخلي الواحد يرفع راسه لانه زمالكاوي.
ملحوظة اتمنى نشر مقالتي من اجل الحيادية فقط لا غير المصدر يلا كورة
