ماتقموش لأي بنت في المترو

    Share
    avatar
    B O D A MuSiC
    MUSIC is My Atmosphere
    MUSIC is My Atmosphere

    Number of posts : 468
    Age : 27
    Location : In MusiCaNa
    Registration date : 2008-11-22

    GMT + 9 Hours ماتقموش لأي بنت في المترو

    Post by B O D A MuSiC on Sat 29 Nov 2008, 10:44 pm

    دا موضوع لقيته وبنت اللى كاتباه والله بنت زى الفل اساسا وفعلا عندها حق اسيبكو بقى مع الموضوع وعايز رأيكو فى الكلام دا

    مساء الجمال يا شباب

    نخش ف الموضوع ع طول


    دلوقتى الأخت سحر الجعارة تطلع تقول ان المرأة لها نفس حقوق الرجل في المجتمع،


    والأخت إيناس الدغيدى تطلع تقول ان الراجل همجى مش بيعرف في المرأة غير جسمها،




    والأخت إقبال بركة تقول إن مصدر جمال المرأة هو عقلها مش جسدها ولازم التعامل معاها كعقل بدون النظر إلى الجسد هيه عاملة فيه ايه..

    ده علي اساس ان الواحدة تبقى ماشية في الشارع وواحد بقى يعاكسها: يا ابو عقل جامد..ياواد انت ياابو مخيخ ..حوش شعرك عشان نشوف جمال عقلك يا قمر
    والواحد بقى يكلم صاحبه وهما شايفين بنت ماشية..شفت ياد العقل اللى لابس أحمر ده؟؟ !!
    كل الكلام ده ماشى



    والأخت هالة سرحان بيجيلها تخلف عقلى لو سمعت ان راجل قال لمراته حضَّرى العَشا..
    علي اساس ان العشا رجس من عمل الشيطان !!




    والأخت العزيزة سعاد حسنى تقول البنت زى الولد ماهيش كمالة عدد..

    ومش عارفه مين قال ان البنت كمالة؟؟ !!
    البنت طبق كشرى بحاله من الكبير ابو تلاتة جنيه..!




    والأخت عبير صبرى ربنا يهديها تقول ازاى الراجل المتوحش القاسى اللى بيطلع نار من مناخيره بيتعامل مع الأنثى اللى هيه نسمة ماشية ع الأرض..
    " يا ولداااااااااااه" !!



    طبعا انا عادي الكلام ده بالنسبالي لأنى عارفه الولد المحترم بيعامل البنت المحترمة ازاى.. والزوج المحترم بيعامل الزوجة المحترمة ازاى .ومش محتاجين نصايح (اسم الله على جمالهم وأدبهم اللى فاتوا دوول)
    ________

    المشكلة بقى مادام بيقولوا البنت زى الولد..
    ليه الولد بيقف في المترو عشانهم بقى؟؟
    يعنى الولد لما يركب المترو كام مرة في اليوم وكل مرة يكتشف انه لازم يقف عشانهم تبقى مشكلة!!!

    يدخل المترو في أمان الله ويقعد بعد جهد جهيد وهو شايف واحدة موظفة مع صاحبتها راجعين من الشغل وصحتهم زى الفل.. وقاعدة تحكى لها ازاى تعمل محشى الكوسة وقاعدة تئور في الهوا يمين وشمال عشان يبقى الشرح عملى وصوتها عالى.. واول ما تدخل المترو تلاقى الشلل الرعاش حلّ عليها.. وعينيها مش قادرة تفتح من الإرهاق ياعيني وتيجى هيه وصاحبتها قدامه بالظبط وتعلـّى صوتها وتقول لصاحبتها:


    معدتش باقدر أقف كتير يا سنية..


    ترد عليها زميلتها واللبانة ف بقها:


    ومين سمعك يا حبيبتشى..


    الدكتشور قاللي انى لو وقفت على رجلى خمس دقايق هارجًّع ع اللى قدامى علطول



    وللا البنت اللى لسة شباب.. يبقي الولد قاعد لا بيه ولا عليه ويلقى المحروسة داخلة المترو .. بنت حلوة وشعرها ع الخدود يهفهف ويرجع يطير.. وتيجى تقف قدامه.. وفجأة.....
    تفضل تظبط شعرها وترميه ورا ضهرها زى إعلان صابون كامى عطر فرنسى الإيحاء..
    ومتوقعة ان الزبون اللى هوه الواد المحترم الغلبان هيقوم يبوس ايديها انها تقعد مكانه..
    والله لو خلعتلك شعرها كله وادتهولك على سبيل المقايضة زى قدماء المصريين..بردو ماتقومش!!


    وبعدين الأول كانت عربيات السيدات في المترو قدام ومع ذلك كانوا منتشرين في كل العربيات وقلنا ماشى..
    بعد ماحصلت حادثة مترو حلوان البسيطة اول المترو.. قالوا لا .. هاتوا السيدات في نص المترو..ليه بقى؟؟


    ده علي اساس ان لو حادثة حصلت في أول المترو والسيدات قدام هيصوتوا ويلموا الدنيا انما الرجالة بتموت من سكات!!! صلاة النبى


    طب حد من الرجاله اعترض ان السيدات ماليين مترو الرجالة؟ .. أبدا..انما شوف بقى ياعم الحاج لو حظك الأغبر وقعك انك ركبت من غير قصد في عربية السيدات..ياداهية دقى..تسمع بقى أحلى كلام.. أولا..سوفاااج..سوهاج..راجل؟؟..واللى تحط وشها في الأرض من الكسوف..واللى تقول أوووه.. راجل..فانتستيك..صلاة النبى..


    انتى عمرك ماشفتى راجل ياضنايا؟؟؟مش برضه انتى جاية من شغلك وهوه هناك .. وراجعة بيتك هتلاقى واحد في وشك زى القضا المستعجل؟


    والبنت اللى في الجامعة .. آه لو شافت راجل في المترو.. هيغمى عليها من الخضة..


    ماانتى لسة جاية من الجامعة يختي وكنتى انتى والولاد قاعدين تلعبوا صلح وعسكر وحرامية.. عمرك ماشفتى راجل ياكميله؟؟؟


    طلاما بتقولو مساوااااااه يبقا في كل حاجه بقا!!


    . زى ما الولد بيشتغل وهيه بتشتغل.. يبقى اللى يلحق الكرسى يقعد باعتبار انها إبراهيم ابن خالته يعنى عادى ..ومادام فيه مساواة ولازم نتعامل مع عقل البنت.. يبقى بلاش تلعبي فى شعرك وتوريلو انك بتحطي هيد أندشولدرز ضد القشرة عشان تقوميه!
    لأن هو كمان بيحط هيد أنشولدرز ومن الحجم الكبير كمان أبو عشرين جنيه..
    هههههههههه

    انا مش بقول انك متقمش خالص

    .بس قوم عشان حد يستاهل.. يعنى ست كبيرة مريضة.. راجل عجوز تعبان.. ست شايلة تسع عيال على ايديها..كده يعنى.. حالات تستاهل.. انما واحدة عندها تلاتين اربعين سنة وقاعدة عاملالى فيها حسين رياض لما اتخرس في رد قلبى.. تقفلها ليه؟؟






    وكمان شوف الموقف ده..
    الواد يقف عشان واحدة ست تقعد..ويبقا واقف جنبها..
    وأول ما تيجى تنزل محطتها تشاور لاقرب بنت أو ست عشان تقعد مكانها!! صلاة النبى..حتى الكرسى بيتوارث يا جدعان؟؟
    خيال مآتة واقف جنب الكرسى ؟؟؟دا واقف عشانك !!!
    وموقف ورا موقف تكتشف في لحظة ان كل الستات والبنات قاعدين..وكل الرجالة ماسكين جرايد وقاعدين يهووا عليهم:
    ألف ليلة وليلة.. قصة كل ليلة..احكى ياشهرزاد.. احكى لشهريار


    وللا البنت اللى تيجى تقعد جنبك ومش طايقة نفسها قال إيه المكان ضيق ومش قادرة تقعد مرتاحة..


    طب ما دام انتى متضايقة كده ماتقومى تقفى بلاش القعدة المقرفة دى.. وللا يعنى عشان كل مرة واحد محترم هوه اللى يقف عشان المكان يوسع للهانم.. أم طاقية.. طاقية حمرا.. للهانم البيضا.. والهانم السمرا
    ____

    ((القاعده))

    الله يخرب بيت هالة وإيناس وسحر وعبير وإقبال وكل اللى عقدونا ف عيشتنا بكلامهم اللى محدش بيأيده.

    ((ملحوظه))
    انا مش قصدي اجي علي البنات واللهي ولا حاجه ماانا بنت يعني..بس الحق يتقاااااااااااااااااال!!!!!!


    Last edited by Mr.DowNLoaD on Fri 12 Dec 2008, 4:02 am; edited 1 time in total


    _________________

    خضارك زى جنينة وطرحت تينات
    عودك فى مشيتة عاملّو منحنيات
    عضامك لينة لايقين على التنيات
    تانية واتنين تلاتة واربع خمس تنيات

    avatar
    Mr.Music Master
    Root Admin
    Root Admin

    Number of posts : 198
    Age : 28
    Location : I LoVe MuSiColOGw
    Registration date : 2008-11-22

    GMT + 9 Hours Re: ماتقموش لأي بنت في المترو

    Post by Mr.Music Master on Sat 29 Nov 2008, 10:49 pm

    جامد اوى يا محمد

    ههههههههههههههههههه
    ههههههههههههههه
    ههههههههههه
    هههههههه
    ههههههه
    ههههه

    بجد تحفه وعندك حق فى كل
    الى انتا قولته بنات اخر زمن


    _________________


    Music Master

    Unbreak My Heart

    Give In To ME
    avatar
    Smsma
    Expert Member

    Number of posts : 268
    Age : 28
    Registration date : 2008-11-22

    GMT + 9 Hours Re: ماتقموش لأي بنت في المترو

    Post by Smsma on Sun 30 Nov 2008, 7:07 pm

    ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
    والله البنت دى زى السكر Laughing Laughing Laughing
    بس مش عندها حق اوى يعنى lol!
    جميل تسلم ايديك يا دودو thumbsup
    avatar
    B O D A MuSiC
    MUSIC is My Atmosphere
    MUSIC is My Atmosphere

    Number of posts : 468
    Age : 27
    Location : In MusiCaNa
    Registration date : 2008-11-22

    GMT + 9 Hours Re: ماتقموش لأي بنت في المترو

    Post by B O D A MuSiC on Mon 01 Dec 2008, 3:48 pm

    منورين يا رجاله Wink


    _________________

    خضارك زى جنينة وطرحت تينات
    عودك فى مشيتة عاملّو منحنيات
    عضامك لينة لايقين على التنيات
    تانية واتنين تلاتة واربع خمس تنيات

    avatar
    Princess 7abiba
    Expert Member

    Number of posts : 203
    Age : 31
    Registration date : 2008-11-22

    GMT + 9 Hours Re: ماتقموش لأي بنت في المترو

    Post by Princess 7abiba on Mon 01 Dec 2008, 10:16 pm

    ههههههههههههههههههههههههههههههههههههههههههه بجد موضوع جامد تسلم ايدك وبعدين لو البنات معملوش كده ميبقوش بنات Laughing
    avatar
    shahy
    Member
    Member

    Number of posts : 26
    Age : 31
    Registration date : 2008-12-12

    GMT + 9 Hours Re: ماتقموش لأي بنت في المترو

    Post by shahy on Fri 12 Dec 2008, 3:53 am

    تسلم ايدك يا عبوووووووود


    بجد تحفه ومقدرتش امسك نفسى من الضحك
    avatar
    B O D A MuSiC
    MUSIC is My Atmosphere
    MUSIC is My Atmosphere

    Number of posts : 468
    Age : 27
    Location : In MusiCaNa
    Registration date : 2008-11-22

    GMT + 9 Hours Re: ماتقموش لأي بنت في المترو

    Post by B O D A MuSiC on Sun 14 Dec 2008, 11:31 am

    منوره يا شاهي

    منوره يا حبيبه



    _________________

    خضارك زى جنينة وطرحت تينات
    عودك فى مشيتة عاملّو منحنيات
    عضامك لينة لايقين على التنيات
    تانية واتنين تلاتة واربع خمس تنيات


    Sponsored content

    GMT + 9 Hours Re: ماتقموش لأي بنت في المترو

    Post by Sponsored content


      Current date/time is Sat 23 Sep 2017, 1:06 pm